میں لدھیانہ کے مسلمانوں پر کیا گذری m1947

اللہ تعالیٰ کا لاکھ لاکھ شکر ہے کہ میں چار سال کی لگاتار محنت کے بعد یہ کتاب منظرعام پر لا سکا ہوں۔ اس کتاب کی تالیف و ترتیب میں میرے تایا زاد بھائی چوہدری سیف الرحمن کا تعاون قابل ستائش ہے۔ چوہدری سیف الرحمن قیام پاکستان کے وقت 17 سال کے نوجوان تھے۔ ان کو لدھیانہ اور وہاں کے رہنے والوں کے بارے میں اچھی خاصی معلومات حاصل ہیں۔ انہوں نے میری معاونت کیلئے اپنا قیمتی وقت نکالا اور چوہدری سیف الرحمن میرے ساتھ تین سال مختلف شہروں اور دیہاتوں میں لدھیانہ کے پرانے باسیوں کا انٹرویو کرنے جاتے رہے۔ ان کے اہل خانہ بھی شاید مجھ سے تنگ پڑ گئے ہوں مگر چوہدری سیف الرحمن نے خوش دلی سے یہ بار اٹھائے رکھا۔ جمع شدہ لوازمہ کو کتابی شکل میں لانے کیلئے ڈیلی ”یارن“ کے ایڈیٹر مسعود اختر اور سرور خان سرور کی صلاحیتیں بروئے کار آئیں۔ ان دونوں حضرات نے جس محنت اور توجہ کے ساتھ کام کیا وہ بھی قابل ستائش ہے۔ کمپیوٹر کمپوزنگ اور ڈیزائنگ کے لئے محمد عاصم کی کوششیں بھی میرے شکریہ کی مستحق ہیں۔ ان حضرات کی معاونت سے مجھے یہ کتاب مکمل کرنے میں بہت آسانی رہی۔ اس کے علاوہ میرے گھر کے افراد اور دفتر کا سٹاف بھی شکریہ کے مستحق ہیں جنہوں نے مجھے گھریلو اور کاروباری مصروفیات سے فارغ رکھا۔اگر میں اپنے دفتری محمد افضل کاذکر نہ کروں تو زیادتی ہوگی۔ اس نوجوان نے اس کتاب کے لوازمہ کی فائلوں کو سنبھال کر اور ترتیب کے ساتھ رکھا اور میرے کام میں رکاوٹ نہیں آنے دی۔